بنت بتكلم شاب على الشات

البنت: إزيك ياقمر

الولد:ــــــــــــــــــ

البنت: ياعم رد علينا مش هناكلك

الولد: معلش أصلي مش أعرفك

البنت: نتعرف

الولد: بس أنا مش بكلم حد غريب

البنت: ماغريب إلا الشيطان يابني.. طب ممكن أضيفك عشان مبقاش غريبة؟؟

الولد: ده شيء يشرفني بس سوري والله مش ينفع.. مش بضيف بنات

عندي أختي الكبيرة وماما ف الأكونت ولو شموا خبر إني بكلم بنات يقطعوا رقبتي

البنت: طب أعملك أكونت تاني بإسم ولد وتضفني؟

الولد: لأ طبعا.. تفتكري إن أنا أخلاقي تسمحلي أعمل حاجة من وراهم؟؟

البنت: سوري مش قصدي بس نفسي نبقى صحاب .. أعمل إيه؟؟

الولد: طب ما إحنا صحاب فعلا.. هي الصداقة مجرد إضافة وخلاص؟ .. خلينا على رسايل

البنت: ماشي ذي ماتحب ياقمر..

أستأذنك أنا دلوقتي عشان خارجة مع صحباتي

الولد: يابختك.. أنا نفسي أخرج كده مع صحابي

لكن إزاي بقى؟.. رايح فين؟ وجاي منين؟ وماتتأخرش بره بعد الساعة 10

دا غير أختي الصغيرة اللي بيبعتوها معايا كل ماخرج مع حد من صحابي

البنت: معلش ياسكر إستحملهم.. دول مهما كان خايفين عليك

بنات الحرام ماخلوش لولاد الحلال حاجة

الولد: مانا عارف إن ده من خوفهم عليا بس أنا مليت

يلا شوفي انتي رايحة فين عشان ماتتأخريش على صحباتك

البنت: أوك ياقمر..هابقى أكلمك لما أرجع ع الساعة 3 كده أو بعد الفجر إن شاء الله سلام

الولد: أوك خدي بالك من نفسك ربنا معاكي.. هستناكي .. سلام